Friday, June 25, 2010

'ഴ'

അഴകേ
വാക്കുകളില്ല പറയാന്‍
നീ നടന്നകന്ന കാലം മുതല്‍ .

കുംബാരന്റെ കുഴയിലൊരു
വഴുവഴുപ്പില്ലായ്മ
കലങ്ങള്‍ പണിയാന്‍ കഴിവതും നോക്കി
കുഴപ്പമാണ് ; കുറയുന്നു മണ്ണിലെന്തോ.

മനസ്സിലെന്തോ നിഴല്‍ മറയ്ക്കുംപോലെ
കാതിലൊരു മുഴക്കമാണ്‌ എപ്പോഴും.
കാഴ്ചയിലും എന്തോ മിഴിഭ്രംശം

പ്രണയമൊഴുകിയ വഴികളില്‍
കൊഴിഞ്ഞ ഒരു പീലിപോലുമില്ല.

പാഴ്ചെടികള്‍ പറമ്പില്‍ക്കയറി
ആഴ്ചകള്‍ കഴിഞ്ഞു
പോഴന്‍ കുമാരന്‍ തിരിഞ്ഞു നോക്കുന്നില്ല
ഷാപ്പില്‍ കഴിപ്പും കിടപ്പും; കഴുവേറി.

കുഴപ്പം പിടിച്ച കണക്കുകള്‍ ചെയ്തെന്റെ
മകന്‍ തളര്‍ന്നുറങ്ങുമ്പോള്‍
തകഴിയെ സ്വപ്നത്തില്‍ കണ്ടത്രെ
അഴകിന്റെ ചിരിയാണ് പോലും
കയറിന്റെ പിരിപോലുള്ള
ഇഴപിരിയാത്ത ചിരി

മഴ വരുമോ അമ്മേ?
പുഴയില്‍ തുണിയലക്കാന്‍ പോകാം?

5 comments:

  1. ‘ഴ’കാരത്തിന്റെ പുഴയൊഴുക്ക് കൊള്ളാം.

    ReplyDelete
  2. nalla ezhuthth. Satheesh. mattukavithakalum vayikkatte.

    ReplyDelete
  3. nee pettennu oru ezhuthukaranayitheerrnnallo.nannkunnundu.
    kuttikalude priyappetta kunjunnimashalle

    ReplyDelete